USOK MULA SA FOREST FIRE SA INDONESIA, UMABOT NA SA METRO MANILA AT IBANG BAHAGI NG PILIPINAS
Umabot na sa Pilipinas ang usok na nagmumula sa forest fire sa Indonesia, ayon sa isang report.
Ayon sa mga residente ng Tawi-Tawi, nakaranas sila ng fog sa umaga ngunit nanaig maghapon ang makapal na usok. Ganito rin ang naranasan sa Puerto Princesa, Palawan noong Biyernes.
Kaugnay nito, nagbabala naman ang PAGASA sa mga apektadong residente lalo na ang mga mangingisda dahil sa low visibility.
“Mas binibigyan natin ng babala ay itong ating mangingisda kasi, lalo na kapag gabi, bababa talaga ang horizontal visibility,” ani PAGASA-Puerto Princesa Chief Meteorological Officer Sonny Pajarilla.
