ISINIWALAT NI BPP DIRECTOR NA KAY ATTY. SALVADOR PANELO GALING ANG SULAT PARA HILINGIN MABIGYAN NG EXECUTIVE CLEMENCY SI SANCHEZ.
Isiniwalat ni Board of Pardons and Parole executive director Reynaldo Bayang na sumulat sa kanya si Presidential Spokesman Salvador Panelo para i-refer ang hiling ng pamilya ni dating Calauan, Laguna mayor Antonio Sanchez para mabigyan siya ng executive clemency.
Ilang malalaking pangalan daw ang nagbigay ng sulat noon pabor sa kaso ng convict na si dating Calauan, Laguna Mayor Antonio Sanchez. Nilinaw naman si presidential spokesman Salvador Panelo, ang sulat daw niya sa Board of Pardons and Parole kaugnay sa kaso ni Sanchez ay para lamang iparating ang natanggap niyang liham mula sa dating alkalde.
