PANGULONG DUTERTE TINUPAD ANG PANGAKO SA 89 SUMUKONG NEW PEOPLE's ARMY(NPA) NA MAKAPAG TOUR SA HONGKONG

Natuman na ang gisaad ni President Rodrigo Duterte ngadto sa mga former rebels nga magpahigayon og field trip sa laing nasud.

Sa report gikan sa Eastern Mindanao Command (EastMinCom) nasayran nga anaa karon sa nasud Hong Kong ang 5 ka lalaki ug 84 ka mga babaeng pulos kanhi miyembro sa New People’s Army (NPA) nga mibalik sa sabakan sa balaod.

Ang nasangpit nga aktibidad gipangunahan sa EastMinCom uban sa Presidential Management Staff diin ilang giabaga ang galastuhon sa maong tour.

Giadtuan sa mga kanhi rebelde ang mga historical nga mga lugar sa Hong Kong lakip usab ang uban pa nga bibong dapit.

Sumala pa ni Lt. Gen. Felimon Santos Jr. ang Commander sa EastMinCom nga dako matud pa og maayong epekto ang nasangpit nga aktibidad ngadto sa mga nasangpit sa ilang pagbalik sa normal nga kinabuhi.

Ang nasangpit nga tour una nang gisaad sa Pangulo sa nahitabong Former Rebels Assembly niadtong Disyembre 21, 2017 nga gipahigayon sa Naval Station Felix Apolinario, Panacan, Davao City.