PANGULONG DUTERTE AT US SEC. MIKE POMPEO, NAGPULONG PARA SA TIYAK AT SEGURIDAD SA COUNTER TERRORISM.
Lalo pang pinagtibay ng Pilipinas at Estados Unidos ang alyansa matapos ang naging pagkikita at pag-uusap nina Pangulong Rodrigo Duterte at US Secretary of State Mike Pompeo Huwebes ng gabi.
Sumentro sa kooperasyon ang naging pag-uusap kung paano pa mapahusay ang pagtutulungan para matiyak ang seguridad sa rehiyon at counter terrorism.
Dumating sa bansa si Pompeo alas otso y medya kagabi sa Villamor Airbase, Pasay City kung saan sila nagkita at nag-usap ni Pangulong Duterte sa Kalayaan Lounge. Ayon kay US Department of State Deputy Spokesperson Robert Palladino, nagpalitan din ng pananaw sina Pangulong Duterte at Pompeo sa isyu ng denuclearization ng North Korea
“They reaffirned the longstanding US-Philippines alliance, discussing ways to improve cooperation on regional security and counterterrorism,” ani Palladino.
