Mga magulang ng mga batang masasangkot sa krimen, gusto ring papanagutin ng Malacañang.
Aprub sa Malacañang ang isinusulong na panukalang batas na panagutin sa batas ang mga batang 12 na taong gulang na nakagawa ng krimen. Sa harap na rin ito ng mga batang menor de edad na malalakas ang loob gumawa ng krimen dahil hindi sila nakukulong at napaparusahan sa ilalim ng batas.
Batay sa report ng Philippine National Police at Philippine Drug Enforcement Agency, kalimitang ginagamit ng mga sindikato ay edad sampu, siyam para sa kanilang iligal na operasyon. Pero bukod sa pagpapanagot sa mga batang menor de edad, sinabi ni Panelo na dapat panagutin din ang mga magulang ng minor offenders sa pamamagitan ng pagpapakulong sa mga ito.
