CAVITE-MANILA FERRY SERVICE, BINUKSAN NA; LIBRENG SAKAY, TATAGAL NG 1 BUWAN! AYON KAY DOTr TUGADE
Libre na ang pamasahe para sa mga sasakay sa MV Island Sabtang mula December 9 hanggang January 31!
CAVITE-MANILA FERRY SERVICE, BINUKSAN NA; LIBRENG SAKAY, TATAGAL NG 1 BUWAN!
Inanunsyo ni DOTr Secretary Arthur Tugade na magkakaroon ng libreng sakay sa loob ng isang buwan ang Cavite-Manila Ferry Service matapos itong opisyal na inilunsad.
“Gusto ko pamaskong handog ito sa mga taga-Cavite. At kung gagawin ko pamaskong handog ito, dapat naman libre,” ani Tugade.
Ang libreng sakay ay mula sa kompanya ng Seaborne Shipping Company Inc. at Shogun Ships Co. Inc. na magsisimula ngayong Lunes, December 9, 2019 hanggang January 9, 2020.
Magmumula ito sa Cavite City Port Terminal sa the Cavite City Hall hanggang Cultural Center of the Philippines Port at Bonifacio Square (Lawton Plaza) sa Maynila.
“With this service, hanggang sa Lawton, hanggang sa CCP, naglalaro ho yan sa 40 minutes one way… Imagine how much you will be saving in terms of travel time,” giit pa ni Tugade.
Nagtutulungan na rin aniya ang Maritime Industry Authority (MARINA), Philippine Coast Guard (PCG), Philippine Ports Authority (PPA), at lokal na pamahalaan ng Cavite City para sa ferry service
