Sinalubong ng hiyawan at masasayang ngiti ng mga residente ang pagbabalik ng mga makasaysayang kampana sa Balangiga, Eastern Samar.
Sinalubong ng hiyawan at masasayang ngiti ng mga residente ang pagbabalik ng mga makasaysayang kampana sa Balangiga, Eastern Samar.
Mahigit isandaang taon nang nasa hawak ng US ang Balangiga Bells. Nitong huling mga dekada, namukod ang mga panawagan ng iba’t ibang lokal na grupo para sa pagsasauli ng mga kampana sa bansa. Tampok dito ang mga apela ng dating pangulo ng Pilipinas na si Fidel V. Ramos, siya mismo isang dating heneral ng sandatahang lakas ng Estado, para itaon sa opisyal na sentenaryo ng kasarinlan ng Pilipinas, na magarbong ipinagdiwang ng Estado noong 1998.
